Atikamekw nehiromowin

Esko newo pipona naha Manon Massé acitc Gabriel Nadeau-Dubois e witci otamiromitotcik. E ici mamowinitotcik ki nokotawok enko aniki tepirak ke ki sokikapwictowatcik anihi François Legault acitc kata miro pa tipatcimoctakewok kekwariw ka nataweritakik ote Kepek iriniwok acitc iskwewok.

Kekwan ka nikanictaiak :

Kitci actaiak ke ici otamirotatamak nihe ka atciparik aski


Kitci witcihakaniwitcik witcicanak osam e micta rikikitakok kekwan


Kitci natowi totcikatek ka noteparik mikiwama kaskina kaie awik matci kitci otapinamasotc mikiwamiriw


Kitci kiwe kanawapatcikatek otamirowin akosiwinik itekera acitc kitci miro natokohakaniwitc awik otacikewinik


Kitci mirowinakotakaniwok kaskina awik otci tapickotc kitci pimatisinaniwok

Nihe Kepek micta acteriw aci kitci meckotcinakotatc otatisokan. Kitci ki sokikapwinaniwok acic anotc ka tato piponikak 21e. Enko naha ke okimakeiekw ka wi nokotatc kitci atcinakotatc. Kepek solidaire enko tepirak ke ki tapickowatc CAQ. Ni tca apitc 3 namekosi pisimw aci natciparin kitci atcinakotaiikw.

Kitci ocitakaniwok Kepek mamo nehirowisiwok

Kepek solidaire wi ocitaw ote Kepek askik mamo kitci otamironaniwok acitc nehirowisiwok.


Naha kice okimaw solidaire orictaw kitci actatc tapickotc kitci mitahikw nihe ke ici matcihikw nihe e kanawapatamokw kitci manatcitaiikw acitc tan e ici monahikaniwok kitacikewinak.


Kirano tca kitci mihitisoiikw e nehirowisiwok ote kitci otci nikanictaiikw kitarimwewininak kinehirowimowininak e nehirowisiwok acitc Inuit kaie kitci miroparik akosiwinik aka kitci mareritakosiikw peikon kaie witcihiwewinik iskwewok acitc awacak otci.


Apitc ke kitciparitc Kepek solidaire tecikotc kata actaw ke ici otamirotatak icikwisk kitci ici matcinaniwok aniki otci ka ki onihakaniwitcik awacak mekwa ka matcewirakaniwitcik.

Ke ici naheritakok acitc ke ici witcihiwaniwok aniki nehirowisi otenak anihi tca kaskina ka ki takickakotcik weckatc ka ki tacikahakaniwitcik awacak kitci nantonikananiwokkitci arakaniwitcik ka nahi kiskeritakik kitci arakaniwitcik. Kata witcihakaniwok aniki wicicanak ka ki takickakotcik kecpin wi actatawe kitci kekwariw kitci witcihikotcik niheriw ka ki ici pimotetcik e wapatariwetcik e ki kicterimatcik ka ki onihatcik.


Ki nokotakaniwok e kicterimakaniwitcik ka ki onihakaniwitcik awacak mekwatc ka matcerakaniwaspan kitci kiskinohamasotcik acitc owitcicaniwaw kirika owitci irinimiwaw otenamiwak. Kepek solidaire itactaw tekaci kitci atcinakotatc ni apitc 30 kakone pisimw nihe ka arimotcikatek tapwewinik acitc ponerimitowinik kitci actek arowepi kicikaw kaskina awik otci ote Kepek askik.

Aci actew kitci tapwetcikatek tapwe nihe e takok mareritcikewin cikeritcikewin ka takickakotcik kaskina nehirowisiwok acitc Inuit. Nihe kai eke nikanictaiak ka ki wi ici tcimotakaniwok «principe de Joyce»


E nikotowatciritci ka wi oriratc e nehirowisiritci Kepek solidaire nokotaw e wi pitakeratc ka nehirowisiritci acitc Inuit nete Assemblée nationale. Kaketin kaie wirawaw nehirowisiwok otenak ka aitaciketcik posiwok neta aka wiskatc ka ki otci icinakok ote kepek askik. Enko tca ohki ka nehirowisitcik ka pe masinahotisotcik Maïtée Labrecque-Saganash neta Ungava, Benjamin Gingras neta Abitibi-Est, Michaël Ottereyes neta Roberval, Gérard Briand neta Saint-Laurent, Jacques Thériault-Watso neta Nicolet-Bécancour, acitc Uapukun Mestokosho neta Duplessis.

Maïtée Labrecque-Saganash

Ungava

Benjamin Gingras

Abitibi-Est

Michaël Ottereyes

Roberval

Gérard Briand

Saint-Laurent

Jacques Thériault-Watso

Nicolet-Bécancour

Uapukun Mestokosho

Duplessis

Tan kotc awin kirano tante kotc wetotetc peikon icinakon ka pasoweritamokw kitci peikinakok kipimatisiwininak kaie nikanik kitci mirowinakok. Aniki ka ki orisinahakik kitorowesiwinariw enko aniki aci ka ockatisitcik ke iti miwotatcik Kepek kitci pekinakotatcik ke ici matcitcik. Ekoni wetci mocak naskwatamoian ekoni wetci tatcik ka mamowinitotcik solidaire

Nama ni ni poneritakosinan aka kitci pamitakoiak takon ke ki ici nokotaiak kiapatc anotc. Aniki ka pakiteritakik kiskinohamakewiniw ka onikatakik. Aniki ka onikatakik akosiwik itekera eko aniki ka ki osami kaskina mirakaniwitcik kekwariw. Aniki aka wiec ka ititosketcik enko anki ka onactasotcik tepirak ka apitcik. Aci actew anotc kitci miwotakaniwok ocatisiwin kitci kanawapatcikatek ke ici mitamaniwok.

Neta Kepek solidaire ni wi witcihananak iriniwok kitci kackihotcik opimatisiwiniwak eckam e rikikitakon kaskina kekwan anotc ekoni wetci wi itapihitisoiak anotc kitci mackawisiak Haroun Bouazzi, witapimew ka nikanipiritci kitci coriawikamikok nete e ic atoskectamiritci PME, Mathieu Dufour et Simon Tremblay Pepin,ka kanawapatakik e ici pimatisimakak coria acitc kiskinohamakew Alejandra Zaga Mendez, ka nahi kiskeritak tan e ici kanwapatcikatek ka ici takickakoiikw aski , acitc Christine Gilbert,kitci kiskinohamakew nete l’Université Laval, CPA, tariw okitci masinahikana MBA, acitc nahikiskeritam e ici masinahiketc Kepek.


Ekoni e icinakok ka witci otamiromitoak : patam tca ni ka orisinahenan ke otamirowakeiak kitci witcihikatcik witcicanak acitc ka ockatisitcik kaie ka kiceatisitcik. Naha kice okimaw solidaire wi actaw kaie aka aci kitci osami rikikitakok onimiskiw ickoteapi. Ni ka nakahekan kaie ka osami misikitakok masinahikan ka kiskinohamasowakniwok kaie okosapitew mackiki iriniw e natawpamakaniwitc kaie ka mipariwakaniwok otenak.


Minawatc ni ka maninenak ka kirikikitakok ko mitcim e otapinikatek kaie nihi ka kisisipasowakaniwok mackikiwa kaie wikasik irikik ke pe actek nihe rikikatamowin. Kaie nihe ni ka actana otcitakotc aci 18$ kitci kicikwakaniwitc awik nictam e otamirotc awocamec kitc kackihonaniwok e pimatcihitisonaniwok aniki kaie e kanawapamakaniwitcik ka ockatisitcik kaie witcicanak. Kaie nihe kitci kanawapatcikatek ka kicikasonaniwok ko kice iriniw coria peikon maka kaie nihe rikikitakon.

Kepek solidaire enko naha tepirak ka nikanictatc ka ici waskackakoiikw kitacikewininak. Ke ici otamiroiak enko nihe Kepek ka wi micta nokotatc e kispiwatak notcimik ka ici aitakok.


Aci anotc 2022. Enko nihe ke ki ici nikanictakaniwok tapwerimitisowin acitc mackawerimowin. Ka posinaniwoke pamiparinaniwok otenak e tacikaniwok acitc kitci nakataweritcikatek notcimik ka ici aitakok awocamec kitci miro pimatisinaniwok.


Anotc aci e aisparik ka atciparik aski itictaw tca Kepek nama kata ki cakotcitaw nihe ka atciparik aski. Naha tca CAQ nama tepirak ki otci pataham ki acenikono e ki nosanehak e ici nataweritamiritci aniki ka mitaritci ka micta kice onactasomakanik ka ici otamirowaketcik.


Kepek solidaire orisinaham e ki akitak ke ki ici otamirotatcik aka kitci osami onactasotcik ni apaitc asko 2050. Nihe tca ke ici otamirowak matci kaskina wiec kata ki aicaniwon ote Kepek aka arimatc otapan kitci apatak.Ki ka miro nakataweritenano kaskina ka ici aitakok kitacikewininak aka moci kotak kice okimaw ka ki otci ici otamirotatak.


Ekoci okimakatakw Kepek solidaire kitciwe wir kispiwatam notcimiriw enko tarasak.

Awik e takonik omikiwam ke ici tacikahitisotc aka orina kitci misikanehak. Kepek solidaire enko naha tepirak niheriw ka wi ici wikotcitamaketc kaskina awik kitci mirwatcitatc.


Tate kice okimaw solidaire nama apitc aci kata misikanehikatew mikiwam ka ici aitacikaniwok. Kata nanakatcitaw aka osam kitci rikikitakoki mikiwama tacikewina kata tca wetcinehikatewa wiec 850$ peiko pipona irikik.


Kirika tca naha kice okimaw solidaire actaw kitci tcimotatc micta mitcet mikiwamiriw kaskina awik otci kitci wetcinehikatek. Kaskina awik kata mirockako ote kepek askik. Wiec 50 000 itactaw kitci tcimotatc mikiwamiriw aitacikewiniw kirika itew kata wectaw aka kitci arimisinaniwok e nataweritcikatek mikiwam acitc kata witcitaw kaie nehirowisiwok otci mamik ka taciketcik.


Kaskina awik pasoweritam kitci kackitatc e nataweritak mikiwamiriw kitci tiperitak. Kepek solidaire kata actaw ke ici otamirotatc kitci wetisinaniwok e otapinikatek mikiwam kekotc e wi atawaniwok.

Naha epek patam kata nokotaw tapwe e atcinakotatc kekwariw kice okimawinik. Patam kata actaw ke otamirowaketc pitoc kitci icinakonik. Ote Kepek solidaire nte ki iciwirikono kitci nicikewatisiikw mitci kackitaiikw kitci mihitisoiikw kitci nokon kekwan ke otci ockatisiwakeiikw kaskina awik otci.kitci mackawisitc acitc kitci kicterimitisotc kitci nokotatc e mackawasitc.


Kitci miritisonaniwokenko nihe kitciwe ke ki atcinakotakaniwok kipimatisiwininak. Kitci atatisinaniwok ekote ke otci kitciparik ote Kepek. Ni wi nakataweritenan kaie kitacikewininak ka ici notcimiwok kitci mirwacik mocak. Nihe tca mictahi takickakemakan kasirin ka monihikatek ota Kanata askik. Ni pasoweritenan nipara kitci actaiikw awocamec kitci miro pimatisiikw aka kitci kitcickapihikoiikw. Ni wi miwotanan tan ke ici mataciikw mamo kitci pimoteiikw kipimatisiwininak acitc nehirowisiwok aric arotc e icinakok irakonikewin.


Tapwe tca kitci nokon pekaterimowin patam kata miritisonaniwon kitci oreritamasoiikw ke ici mitameiikw kitci pekinakotaiikw kitaskino Kepek.

Esko 20 tato pipon kit itikwinano nama aci kinowec ki ka pehonawaw akosiwikamikok e icaiekw kaie kitci tatc ke omackiki irinimiekw : micta ki aceckamikok e ici mihiwaniwok. Ki itew Kice okimaw Legault kitci micta atcinakotatc ekte tca kiapatc e icinakonik. Patak kitci akopitcikatek terak ka ici akosinaniwok ni wi natakotanan tekaci ninan.


Kaketin ni ka actanan kitci miro natokoikoiekw pecotcik kitacikewiniwak CLSC kitci cetik 24/24 tato tipahikan 7/7 tato kicko. Nama aci kata pehonaniwon e icaniwok e akosinaniwok.


Kaie nihe nihi nikanictanan ekwamisiwin. Mocak nihe tipan actakaniwon ote akosiwinik. Nihe e actakaniwitc witcitakaniwon aka awocamec kitci rikihamakok akosiwin.


Kimikiwamiwak kitci otci taci kicewiriniwek kitci witacikemikoiekw kiwitcicaniwawok.Irikik ka tatcinikeikw nihe e actaiikw nama apitc misikitakon patok aniki wirawaw Pays-Bas kekotc Danemark. Kepek solidaire kata rikitaw irikik ke witcihakaniwitcik ka kiceatisitcik omikiwamiwak kitci miro aitaciketcik aka kitci tipanictek nihwe.

Kice okimawok ka atcickatcik esko mitceto pipon kaskina nikanictawo kiskinohamakewiniw nama otci taw tapwe tca kackihotatc kitci mirowinakonik tan kotc e ici pimatisiwakeiikw anotc.


Naha kice okimaw solidaire kata maninam e kicikasonaniwok e kiskinohamasonaniwok nihe nte otenak ka ici pitakaniwok awacak otci acitc ka ockatisitcik peikon kaie niki ka nta kiwe kiskinohamasotcik ko.ni ka actanan kitci nta kokwetciniwok otamirowinik kitci kitci tapictakemakak nihe kaie kitci ki kicikwakaniwitc awik mekwatc niheriw e ici pimotetc. Peikon kaie kitci iti atciwikitakok e kiskinohamasonaniwok kitci kiskinohamatowikamikok nac aka kitci iti akitakok.


Kata kaie kanawapatcikatek kitci mirwacik pitakamik kiskinohamatokamikwa. Kepek solidaire kata actaw awocamec kitci mirwacik ka ici mihiwaniwok kaie kitci koski ocitatc tan e icinakok pitakamik kitci nahinakok kaie kitci rikitakaniwoki awocamec kitci mirerimotcik ka kiskinohamasotcik e pa aitaciketcik.


Kitci miro werihakaniwitcik nikanik nte ke pe iti kiskinohamatisotcik kitci miro kiskeritakik nehirowisiw otatisokaniwariw. Kepek solidaire kata kiwe orisinaham kaskina niheriw mekwatc ka ici kiskinohamakaniwok peikon kaie nihe e itatisokemak nte emotikociwi atisokanan anotc tca ke ici kiskinohamakaniwok.

Ruth Messier Agente officielle

QUÉBEC SOLIDAIRE 2022