Québec solidaire - ᐃᓄᒃᑎᑐᑦ

ᒪᓇ ᒪᓯ ᐊᒻᒪ ᒐᐱᕆᐅᓪ ᓇᑑ−ᑐᐳᐊ ᐱᒻᒪᕆᐅᔪᒥᑦ ᐃᓅᖃᑎᒌᒃᑐᓄᑦ ᐊᔾᔨᒌᙱᑦᑐᒃᑯᑦ ᐃᑲᔪᖅᑎᑦ ᑎᓴᒪᐃᑦ ᐅᑭᐅᑦ ᑭᖑᓂᐊᓂ. ᐊᖏᖃᑎᒌᓐᓂᖅ (Solidaire) ᐃᖅᑲᓇᐃᔭᖅᑎᖏᑦ ᑕᑯᑎᑦᑎᓯᒪᔪᑦ ᐊᓯᐊᒎᕐᕕᑕᖃᙱᑦᑐᒃᑯᑦ ᑲᒪᒋᓂᐊᕐᓗᒍ ᕗᕋᓐᓱᐊ ᓕᒐᑦ ᐊᒻᒪ ᓂᕈᐊᖅᑕᐅᒐᓱᐊᕐᓂᐊᖅᑐᖅ ᖃᓄᐃᓐᓂᕆᔭᐅᔪᓄᑦ ᐱᔾᔪᑎᖃᖅᑐᓂᑦ ᑭᒃᑯᓕᒫᓄᑦ ᑯᐱᒃᒥ.

ᐃᓱᒪᒃᓴᖅᓯᐅᕐᓂᖅ ᐱᐅᓂᖅᐸᒥᑦ ᑲᒪᒋᓂᐊᕐᓗᒍ ᓯᓚᐅᑉ ᐊᓯᙳᖅᐸᓪᓕᐊᓂᖓ

ᓴᐳᒻᒥᓂᖅ ᐃᓚᒌᒃᑐᓄᑦ ᓴᖅᑭᕙᓪᓕᐊᔪᑦ ᐊᑭᑦᑐᖅᐸᓪᓕᐊᔪᓂᑦ

ᓇᓂᓯᓂ ᐋᖅᑭᒃᓱᐃᓂᕐᒧᑦ ᐃᒡᓗᕐᔪᐊᓕᕆᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ ᐊᒻᒪ ᐊᖏᕐᕋᖃᖅᑎᑦᑎᓂᖅ ᐱᔪᓐᓇᐅᑎᓂᑦ ᐃᓅᖃᑎᒌᒃᑐᓄᑦ ᐊᔾᔨᒋᙱᑦᑐᓄᑦ

ᐅᑎᖅᑎᑦᑎᓂᖅ ᐊᓐᓂᐊᖅᑕᐃᓕᒪᓂᕐᒧᑦ ᐊᖅᑭᒃᑕᐅᓯᒪᔪᓄᑦ

ᐃᖅᑲᓇᐃᔭᖃᑎᖃᕐᓗᑎᒃ ᐃᑲᔪᖅᑎᒌᓪᓗᑎᒃ ᓄᓇᖃᖅᑳᖅᓯᒪᔪᑦ ᓴᓇᓂᐊᕐᓗᑎᒃ ᓄᓇᓕᒡᔪᐊᒥᑦ ᑭᒃᑯᓕᒫᓄᑦ

ᑯᐱᒃ ᐊᓯᙳᖅᐸᓪᓕᐊᔪᖅ ᒫᓐᓇᐅᔪᖅ. ᑲᒪᒋᓂᐊᕐᓗᒋᑦ ᐊᒃᓱᕈᕐᓇᖅᑐᑦ 2000 ᐅᑭᐅᒋᔭᖏᓐᓂ, ᓂᕈᐊᖅᑕ ᐃᖅᑲᓇᐃᔭᖅᑎᓂᑦ ᐱᓂᐊᖅᑐᑦ ᑕᒪᒃᑭᓐᓄᑦ ᐱᔪᒪᓂᕐᒧᑦ ᐊᒻᒪ ᐱᐊᓂᓐᓂᕐᒧᑦ ᐊᒃᓱᕈᕐᓇᖅᑐᓂᒃ. ᑯᐱᒃ ᐃᑲᔪᖅᑎᒌᓐᓂᖅ ᐱᓪᓚᕆᐅᔪᖅ ᐊᔾᔨᒌᙱᑦᑐᓂᑦ ᓂᕈᐊᕈᓐᓇᕐᓂᕐᒧᑦ CAQ−ᒧᑦ. ᐅᒃᑐᐱᕆ 3-ᒥ, ᐱᒋᐊᖅᐸᓪᓕᐊᓂᐊᖅᑐᑦ.

ᐃᓚᒋᓗᒋᑦ ᐊᕐᕕᓂᓕᑦ ᓄᓇᖃᖅᑳᖅᓯᒪᔪᑦ ᓂᕈᐊᖅᑐᒃᓴᐅᔪᑦ ᑯᐱᒃ ᐊᖏᖃᑎᒌᑦ ᓂᕈᐊᕈᒪᔪᑦ ᐃᓄᓐᓂᑦ ᐊᒻᒪ ᓄᓇᖃᖅᑳᖅᓯᒪᔪᑦ ᑲᒪᔨᒥᑦ ᑲᓇᑕᒥ ᒪᓕᒐᓕᕆᕝᕕᒻᒧᑦ. ᑲᑐᔾᔨᖃᑎᒌᑦ ᐊᒥᓱᓂᑦ ᑲᑎᒪᔨᖃᖅᑐᑎᒃ ᓄᓇᖃᖅᑳᖅᓯᒪᔪᓄᑦ ᓄᓇᓕᒥ ᓯᕗᓪᓕᖅᐸᐅᔪᑦ ᑯᐱᒃᒧᑦ. ᓄᓇᖃᖅᑳᖅᓯᒪᔪᑦ ᓂᕈᐊᖅᑕᐅᒐᓱᐊᖅᑐᑦ ᐅᑯᐊᖑᔪᑦ ᒦᑏ, ᓕᐱᒃ−ᓴᒐᓇᔅ ᐅᖓᕙᒥᑦ, ᐱᓐᔭᒥᓐ ᔨᕌᔅ ᐊᐱᑎᐱ−ᑭᓪᓕᐊᓂᑦ, ᒪᐃᑯ ᐅᑎᕆᔅ ᕋᐳᕗᒥᑦ, ᔪᕌᑦ ᐳᕆᐊᓐ ᓰᓐᑦ−ᓗᐊᕆᑦᒥᑦ, ᔮᒃᔅ ᑎᐅᕆᐊᑦ−ᕙᑦᓱ ᓂᑯᓕᑦ−ᐱᑳᑯᐊᒥᑦ ᐊᒻᒪ ᐅᐊᐳᑯᓐ ᒥᔅᑐᑯᓱ ᒧᐊᕆᔅ−ᕆᑦᓱᑦᒥᑦ.

“ᑭᓇᑐᐃᓐᓇᐅᒐᓗᐊᕈᑦᑕ, ᓇᑭᙶᕋᓗᐊᕈᑦᑕ, ᑕᒪᕐᒥᑦ ᐱᔪᒪᔪᑦ ᐊᔾᔨᒋᔭᐅᔪᒧᑦ: ᐱᐅᓂᖅᓴᒥᑦ ᖃᓄᐃᓐᓂᕆᔭᐅᔪᓄᑦ ᐃᓅᓯᕆᔭᐅᔪᑦ ᐅᓪᓗᒥ ᐊᒻᒪ ᐊᓕᐊᓇᐃᒍᓱᓐᓂᖅ ᓯᕗᓂᒧᑦ ᖃᐅᑉᐸᑦ. ᑕᐃᒃᑯᓄᖓ ᓴᓇᔪᓄᑦ ᓄᓇᓕᐸᐅᔭᑦᑎᓐᓄᑦ ᐊᒻᒪ ᑕᐃᒃᑯᓄᖓ ᑎᒍᒥᐊᖅᑐᑦ ᐃᑭᒥᑦ: ᐱᖃᓪᓚᕆᒋᐊᖃᖅᑐᑎᑦ ᑯᐱᒃ ᐃᓚᒋᓗᒍ ᑭᒃᑯᑐᐃᓐᓇᓄᑦ ᐃᖅᑲᓇᐃᔮᕐᕕᒃ ᒐᕙᒪᒃᑯᑦ ᐃᖅᑲᓇᐃᔭᖃᑎᖃᓪᓚᕆᓗᑎᒃ ᑭᒃᑯᑐᐃᓐᓇᓄᑦ. ᑕᐃᒫᒃ ᐊᑭᕋᖅᑐᐃᓲᖑᕗᖓ. ᑕᐃᒫᒃ ᐊᖏᖃᑎᒌᓐᓂᖅ ᑕᒫᓃᑦᑐᖅ.”

“ᐊᑦᑕᕐᓇᙱᑦᑐᒦᙱᑦᑐᒍᑦ ᑭᒡᒐᖅᑐᖅᑕᐅᓗᑕ ᑲᑐᔾᔨᖃᑎᒌᒃᑐᓄᑦ ᓄᖅᑲᖓᑐᐃᓐᓇᖅᑐᑦ ᕿᕿᖓᔪᑦ ᖃᖓᐅᑎᓪᓗᒍ ᐊᒻᒪ ᖃᖓᓂᑕᐃᑦ ᐃᓕᓐᓂᐊᕐᓂᕐᒧᑦ ᒐᕙᒪᓕᕆᓂᕐᒧᑦ. ᑕᐃᒃᑯᓄᖓ ᐃᑉᐱᒍᓱᙱᑦᑐᓄᑦ ᐃᓕᓐᓂᐊᕐᓂᕐᒧᑦ. ᑕᐃᒃᑯᓄᖓ ᐃᓱᒪᒃᑯᑦ ᐋᓐᓂᐊᖅᑕᐃᓂᒪᓂᕐᒧᑦ ᒥᐊᓂᕆᔭᐅᓂᖅ ᐃᓱᒪᒋᔭᖃᙱᑦᑐᑦ ᐱᒻᒪᕆᐅᔪᓄᑦ. ᑕᐃᒃᑯᓄᖓ ᖃᓄᐃᓕᐅᙱᑦᑐᓄᑦ ᐱᔾᔪᑕᐅᔪᑦ ᐊᖏᔪᒥᑦ ᓯᓚᒧᐊᖅᑎᑦᑎᔪᑦ ᓱᕋᕐᓇᖅᑐᓂᒃ ᐊᑦᑕᕐᓇᖅᑐᓂᑦ. ᒫᓐᓇᐅᔪᖅ ᐱᒋᐊᕐᓗᒍ ᓄᑖᒥᑦ ᒐᕙᒪᓕᕆᓂᕐᒧᑦ ᐃᓅᖃᑎᒌᔭᐅᔪᓄᑦ ᓴᙱᓂᒃᑯᑦ ᐊᐅᓚᑦᑎᓂᖃᕐᓂᖅ."

ᐃᓱᒪᒃᓴᖅᓯᐅᕐᓂᐊᖅᑐᒍᑦ ᑲᓇᑕᒥ−ᑲᓇᑕᒧᑦ ᐱᒋᐊᕐᓂᕐᒧᑦ ᑯᐱᒃ ᓄᓇᓕᖓᓂ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᑕᒪᒃᑭᓐᓄᑦ ᐱᔾᔪᑎᒋᔭᐅᔪᓄᑦ ᓄᓇᓕᙶᖅᑐᓂᒃ ᐊᑐᐃᓐᓇᐅᔪᓐᓇᖅᑐᓂᒃ ᐱᕙᓪᓕᐊᓂᕐᒧᑦ, ᓱᕋᒃᑎᑦᑎᑦᑕᐃᓕᒪᓂᕐᒧᑦ ᓄᓇᒧᑦ, ᐃᒪᒧᑦ ᐊᒻᒪ ᐊᑐᖅᑕᐅᔪᓄᑦ.

ᑯᐱᒃ ᐊᖏᖃᑎᒌᓐᓂᖅ ᐅᑉᐱᕈᓱᒃᑐᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᔪᓐᓇᐅᑎᖏᑦ ᐱᓂᐊᕐᓗᑎᒃ ᐃᒻᒥᒃᑯᑦ−ᐱᔪᒪᓂᕐᒧᑦ ᐱᐊᓂᑦᑎᐊᕐᓂᒧᑦ ᐱᒋᐊᕈᑕᐅᓗᑎᒃ ᓄᓇᖃᖅᑳᖅᓯᒪᔪᑦ ᐊᒻᒪ ᐃᓄᐃᑦ ᐅᖃᐅᓯᖏᓐᓂᑦ ᐊᒻᒪ ᑐᓂᓯᓂᖅ ᐊᑲᐅᓈᖅᑐᒃᑯᑦ, ᐱᖃᙱᓪᓗᓂ−ᐊᑲᐅᙱᓕᐅᕈᑎᓂᒃ, ᐊᕐᓇᓄᑦ ᐊᒻᒪ ᓱᕈᓯᓄᑦ ᐱᓗᐊᖅᑐᒍ.

ᐱᒋᐊᕐᓗᑕ ᐊᓪᓚᕝᕕᒻᒥ, ᑯᐱ ᐊᖏᖃᑎᒌᓐᓂᖅ ᑲᒪᓂᐊᖅᑐᑦ ᐱᔪᓐᓇᐅᑎᓗᒃᑖᓂᒃ ᕿᒥᕐᕈᐊᕐᓗᑎᒃ ᐃᖅᑲᖅᑐᐃᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᓯᕈᓯᓄᑦ ᑕᒻᒪᖅᓯᒪᔪᓄᑦ ᐅᕝᕙᓘᓐᓃᑦ ᐃᓗᕕᖅᑕᐅᓯᒪᔪᑦ ᑐᔪᕐᒥᕝᕕᒥ ᐃᓕᓐᓂᐊᖅᓯᒪᔪᑦ.

ᐊᖏᕐᓯᒪᓗᑎᒃ, ᐃᖅᑲᓇᐃᔭᕐᓂᐊᖅᑐᒍᑦ ᐃᑉᐱᒍᓱᑦᑐᓂᑦ ᓄᓇᓕᓐᓂᑦ ᓴᐅᔭᐅᓗᑎᒃ ᑕᒪᒃᑭᑦ ᐃᓕᓐᓂᐊᖅᓯᒪᔪᒥᓃᑦ ᑐᔪᕐᕕᒻᒥ ᐃᓕᓐᓂᐊᖅᓯᒪᔪᑦ ᓇᔪᕐᕕᖏᓐᓂ ᐊᒻᒪ ᐱᒋᐊᕐᓗᒋᑦ ᖃᐅᔨᓴᖅᑎᓂᑦ ᐃᓅᔪᓐᓃᖅᑐᓂᑦ ᐱᔪᒪᓂᕐᒧᑦ. ᐱᔪᓐᓇᐅᑎᖃᕐᓂᐊᖅᑐᒍᑦ ᐃᓚᒌᒃᑐᓄᑦ ᐃᖅᑲᐅᒪᔾᔪᑎᖃᕐᓂᐊᕐᓗᑎᒃ ᐅᐱᒋᓗᒋᑦ ᐃᓅᔪᓐᓃᖅᓯᒪᔪᑦ ᐃᓚᖏᑦ ᓇᓪᓕᒋᔭᖏᑦ.

ᑯᐱᒃ ᐊᖏᖃᑎᒌᓐᓂᖅ ᐱᕙᓪᓕᐊᓂᐊᖅᑐᑦ ᑎᓯᐱᕆ 30, ᐅᓪᓗᖓ truth and reconciliation, ᑯᐱᒃ ᐅᓪᓗᖓ ᒥᙳᐃᖅᓯᓂᕐᒧᑦ ᐊᑭᓕᐅᑎᓂᐊᕐᓗᒍ ᐃᑉᐱᒍᓐᓂᕐᒧᑦ ᑕᒻᒪᖅᓯᒪᔪᓄᑦ ᓱᕈᓯᓄᑦ, ᑐᔪᕐᕕᒻᒥ ᐃᓕᓐᓂᐊᖅᓯᒪᔪᑦ ᐊᓐᓇᐅᒪᓯᒪᔪᓄᑦ, ᐃᓚᖏᓐᓄᑦ ᐊᒻᒪ ᓄᓇᓕᖏᓐᓄᑦ, ᐊᒻᒪ ᐃᑲᔪᕐᓗᒋᑦ ᐃᑳᕈᓐᓇᐅᑎᓗᒋᑦ reconcikjfalsf.

ᒫᓐᓇᐅᔪᖅ ᓇᓗᓇᐃᔭᐃᓗᒋᑦ ᐊᑐᖅᑕᐅᔪᑦ ᐊᔾᔨᒌᙱᑦᑐᑦ ᑐᓴᖅᑕᐅᔭᕆᐊᖃᖅᑐᓄᑦ ᐋᖅᑭᒃᓯᒪᔪᑦ ᐊᑭᕋᕇᒃᑐᓄᑦ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐃᓄᓐᓄᑦ. ᓯᕗᓪᓕᖅᐹᖅ ᖃᓄᐃᓕᐅᕈᑕᐅᓂᐊᖅᑐᓄᑦ ᑎᒍᓗᒋᑦ “ᔪᐃᔅ ᒪᓕᒐᖏᑦ.”

ᑯᐱᒃ ᐊᖏᖃᑎᒌᓐᓂᖅ ᑭᓯᒥ ᑲᑐᔾᔨᖃᑎᒌᑦ ᓯᕗᓪᓕᐅᑎᑦᑎᓲᑦ ᐊᕙᑎᓕᕆᓂᕐᒧᑦ. ᐱᔪᒪᔪᒍᑦ ᑯᐱᒃ ᑐᖑᔪᖅᑑᓗᓂ ᓄᓇᓕᕐᔪᐊᖅ ᓯᓚᕐᔪᐊᒥ.

2022-ᖑᓕᖅᑐᖅ. ᐸᕐᓇᐅᑎ ᐊᒃᓱᕈᕐᓇᖅᑐᑦ ᐱᐊᓂᑦᑎᐊᕐᓂᕐᒧᑦ ᐱᓕᕆᐊᕆᓗᒋᑦ ᑕᒪᒃᑭᓐᓄᑦ ᐱᔪᒪᓂᕐᒧᑦ ᐊᒻᒪ ᐱᐊᓂᓐᓂᕐᒧᑦ ᐊᒃᓱᕈᕐᓇᖅᑐᓂᒃ. ᑕᒪᓐᓇ ᑐᑭᖃᖅᑐᖅ ᑭᒃᑯᑐᕿᓐᓇᕐᓄᑦ ᐃᖏᕐᕋᓂᕐᒧᑦ ᐊᒻᒪ ᓄᓇᓕᐸᐅᔭᓄᑦ, ᓄᓇᓕᖃᖅᑐᓄᑦ ᐊᒻᒪ ᓄᓇᓕᖃᖅᑐᓄᑦ ᐊᒻᒪ ᒥᑭᔪᓄᑦ ᓄᓇᓕᖃᖅᑐᓄᑦ ᓇᒥ ᐊᕙᑎᒧᑦ ᐊᒻᒪ ᖃᓄᐃᓐᓂᕆᔭᐅᔪᑦ ᐃᓅᓯᒧᑦ ᑕᑯᔭᐅᓯᒪᔪᑦ ᒪᕐᕉᒃ ᓴᓂᕇᒃᑐᑦ ᐃᓚᒌᒃᑐᑦ ᐊᔾᔨᒌᙱᑦᑑᔭᕋᓗᐊᖅᑐᑎᒃ.

ᖃᓄᐃᓐᓂᕆᔭᖓᒍᑦ ᐊᐅᓚᓂᖓ, ᑕᐃᒪᐅᔪᑦ ᑕᒪᒃᑭᑦ ᐱᔾᔪᑎᒋᔭᐅᔪᒃᓴᓄᑦ ᐅᑉᐱᕆᓗᒍ ᑯᐱᒃ ᑲᑎᖃᑎᖃᓚᙱᑦᑐᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐸᕐᓇᐅᑎᓄᑦ ᑭᒡᓕᒋᔭᐅᔪᓄᑦ ᐱᕚᓪᓕᖅᓯᒪᔪᓄᑦ ᓯᓚᕐᔪᐊᒥ ᐆᓇᕐᓂᖓᓄᑦ/ᓂᒡᓕᓇᕐᓂᖓᓄᑦ. CAQ ᐱᐊᓂᒃᓯᒪᙱᒃᑲᓗᐊᖅᑐᑎᒃ, ᐱᒋᐊᓯᒪᔪᒍᑦ ᐅᑎᖅᑎᑦᑎᓂᕐᒧᑦ ᑲᒪᒋᓗᒋᑦ ᓯᓚᕐᔪᐊᒥ ᓄᓇᓕᐸᐅᔭᒥ.

ᑯᐱᒃ ᐊᖏᖃᑎᒌᓐᓂᖅ ᑐᒃᓯᕋᖅᑐᑦ ᐱᐊᓂᑦᑎᐊᕈᒪᓂᕐᒧᑦ, ᐱᓪᓚᕆᐅᔪᓄᑦ, ᑎᑎᕋᖅᓯᒪᔪᑦ−ᑎᑎᕋᖅᑕᐅᓯᒪᔪᑦ ᐸᕐᓇᑎᓂᑦ ᐸᐅᖅ ᓄᖑᑎᕙᓪᓕᐊᓗᒍ 2050-ᖑᓕᖅᐸᑦ. ᐱᔪᓐᓇᐅᑎᖃᕐᓂᐊᖅᑐᒍᑦ ᐃᖏᕐᕋᓗᓂ ᓄᓇᓯᐅᑎᖃᙱᓪᓗᓂ. ᓴᐳᒻᒥᓂᐊᖅᑐᒍᑦ ᒥᙳᐃᖅᓯᕐᕕᑦᑎᓐᓂᑦ, ᑰᑦ ᐊᒻᒪ ᓇᐹᖅᑐᒋᔭᑦᑎᓐᓂᑦ ᐊᔾᔨᖃᙱᑦᑐᓂᑦ ᐊᓯᖏᑕ ᐊᐅᓚᑦᑎᔪᓂᑦ ᑲᒪᒋᔭᐅᔪᓂᑦ ᑯᐱᒃ ᖃᖓᓂᑕᕐᓂᑦ ᐊᑐᖅᑕᐅᓯᒪᔪᓂᑦ.

ᓂᕈᐊᕐᓂᖅ ᑯᐱᒃ ᐊᖏᖃᑎᒌᓐᓂᖅ ᓂᕈᐊᕐᓂᖅ ᓄᓇᒋᔭᑦᑎᓐᓄᑦ.

ᐱᖃᕐᓗᓂ ᐊᑭᓗᒃᑐᓂᒃ, ᐊᑲᐅᓈᖅᑐᓂᒃ ᐊᖏᕐᕋᓂᒃ ᐱᐅᒋᐊᖃᙱᑦᑐᓂᑦ. ᑯᐱᒃ ᐊᖏᖃᑎᒌᓐᓂᖅ ᑭᓯᒥ ᑲᑐᔾᔨᖃᑎᒌᖑᔪᑦ ᑐᒃᓯᕋᕐᓗᑎᒃ ᐱᓪᓚᕆᐅᔪᓂᒃ ᐊᒻᒪ ᐱᐊᓂᓐᓂᖅ ᐊᒃᓱᕈᕐᓇᖅᑐᓂᒃ ᐸᕐᓇᐅᑎᓂᒃ ᐋᖅᑭᓐᓂᐊᕐᓗᒋᑦ ᐃᒡᓗᕐᔪᐊᓕᕆᓂᕐᒧᑦ ᐊᑲᐅᙱᓕᐅᙱᓕᐅᕈᑕᐅᔪᓄᑦ.

ᒪᓕᓪᓗᒍ ᐊᖏᖃᑎᒌᓐᓂᖅ ᐊᐅᓚᑦᑎᔨᑦ, ᐊᑐᖅᑐᐊᖅᑎᑦᑎᔨ ᐊᑭᑐᓗᐊᖅᑎᑦᑎᓪᓗᒍ ᐊᓯᙳᕐᓂᐊᖅᑐᖅ ᓯᕗᓂᒥ. ᐊᑭᓪᓕᕆᐊᕐᓗᒍ ᐊᑐᖅᑐᐊᖅᑕᐅᔪᑦ ᐃᒡᓗᒋᔭᐅᔪᑦ $850 ᐅᑭᐅᑕᒫᑦ ᐃᓱᒪᒋᔭᐅᔪᒃᑯᑦ.

ᓴᓇᖃᑕᐅᓂᐊᖅᑐᒍᑦ ᑕᐅᓴᓂᑦ ᐅᓪᓗᒥᐅᔪᓂᑦ, ᐊᕙᑎᒥᙶᖅᑐᓂᑦ ᐃᓅᖃᑎᒌᓐᓂᕐᒧᑦ ᐃᒡᓗᕐᔪᐊᓂᑦ ᐱᔭᐅᔭᕆᐊᖃᖅᑐᓄᑦ ᑕᐅᓴᓄᑦ ᐃᓚᒌᒃᑐᓄᑦ ᑯᐱᒃᒥ. ᐅᕙᑦᑎᐊᕈ, ᑯᐱᒃ ᐊᖏᖃᑎᒌᓐᓂᖅ ᓴᓇᓂᐊᖅᑐᑦ 50,000 ᐃᒡᓗᕐᔪᐊᓂᑦ ᐊᒻᒪ ᐱᕚᓪᓕᕆᐊᕐᓗᒋᑦ ᐊᑲᐅᓈᖅᑐᓂᑦ ᐃᒡᓗᖃᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐅᖓᓯᑦᑐᒥ ᓇᔪᕐᕕᖃᖅᑐᑦ ᐊᒻᒪ ᓄᓇᓕᒋᔭᐅᔪᓂᑦ.

ᐊᒥᓱᓄᑦ ᐃᓚᒌᒃᑐᓄᑦ, ᓇᒻᒥᓂᖃᕐᓗᓂ ᐊᖏᕐᕋᒥᑦ ᐊᔪᕐᓇᖅᑐᖅ ᓯᓐᓇᒃᑑᒪᒋᓗᒍ. ᑯᐱᒃ ᐊᖏᖃᑎᒌᓐᓂᖅ ᓴᖅᑭᑎᑦᑎᓂᐊᖅᑐᑦ ᑭᒃᑯᑐᐃᓐᓇᓄᑦ ᐃᒡᓗᕐᔪᐊᒥᑦ ᓂᐅᕕᕐᓗᑎᒃ ᐱᓕᕆᐊᒃᓴᐃᑦ ᐊᒻᒪ ᓂᐅᕕᐊᒃᓴᕆᒃᑲᓐᓂᕐᓗᒋᑦ ᐊᑭᓗᒃᑐᓂᒃ ᓴᐳᒻᒥᓂᐊᕐᓗᒋᑦ ᑮᓇᐅᔭᓕᐅᓗᐊᖅᑕᐃᓕᓗᑎᒃ.

ᐅᖓᑖᓂ ᐊᕙᑎᑦ ᐅᑭᐅᑦ, ᐅᖃᐅᑎᔭᐅᓯᒪᔪᒍᑦ ᐊᑯᓂᐅᙱᓐᓂᖅᓴᒃᑯᑦ ᑐᐊᕕᕐᓇᖅᑐᒃᑯᑦ ᐃᓪᓗᕈᓯᓂᑦ ᐅᑕᖅᑭᓂᖅ ᐊᒻᒪ ᓯᓚᕐᔪᐊᒥ ᐃᓚᒌᒃᑐᓄᑦ ᓘᑦᑖᓂᑦ. ᑕᐃᒪᐅᓪᓚᕆᒃᑐᒃᑯᑦ ᐱᔪᓐᓇᐅᑎᖃᕐᓂᖅ ᐋᓐᓂᐊᖅᑕᐃᓕᒪᓂᕐᒧᑦ ᒥᐊᓂᕆᔭᐅᓂᖅ ᓄᖑᕙᓪᓕᐊᓯᒪᔪᑦ. ᓕᒐᐅᑦ ᐊᐅᓚᔨᖏᑦ ᐅᖃᖅᓯᒪᔪᑦ ᑕᐃᒫᓪᓚᕆᒃ ᐊᑲᐅᙱᓕᐅᕈᑕᐅᔪᓂᑦ. ᓴᐱᓕᖅᓯᒪᔪᒍᑦ ᒪᑦᑐᑎᓯᓕᓂᖅ ᐊᖏᔪᒥᑦ ᑭᓕᖅᓯᒪᓂᕐᒧᑦ. ᖃᓄᐃᓕᐅᓂᐊᖅᑐᒍᑦ ᐱᔭᐅᔭᕆᐊᖃᖅᑐᓂᒃ ᓴᐃᒻᒪᖅᓴᐃᓗᒋᑦ ᐊᑕᖏᖅᓯᒪᔪᒃᑯᑦ.

ᓴᖅᑭᑎᑦᑎᓂᐊᖅᑐᒍᑦ ᖃᕋᓴᐅᔭᓕᕆᓂᖅ CLSC ᒪᑐᐃᖓᓂᐊᖅᑐᖅ 24/7 ᐱᔨᑦᑎᕋᕐᓗᑕ ᓄᓇᓕᒥ−ᑐᙵᕝᕕᒃ ᒥᐊᓂᖅᓯᓂᕐᒥᑦ. ᐱᓕᕆᐊᕆᓂᐊᖅᑕᕗᑦ ᐅᑕᖅᑭᔪᑦ ᑎᑎᕋᖅᓯᒪᔪᑦ ᐃᓱᒪᒃᑯᑦ ᐋᓐᓂᐊᖅᑕᐃᑕᓕᒪᓂᕐᒧᑦ ᐱᓕᑦᑎᕋᐅᑎᑦ ᐲᖅᑕᐅᓗᑎᒃ, ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᔾᔪᑎᒋᓪᓗᒍ ᐋᓐᓂᐊᖅᑕᐃᓕᒪᓂᕐᒧᑦ ᒥᐊᓂᖅᓯᓂᖅ.

ᑭᒃᑯᓕᒫᑦ ᐱᖃᕆᐊᖃᖅᑐᑦ ᐱᔪᓐᓇᑎᓂᒃ ᐱᕈᖅᐸᓪᓕᐊᓗᒋᑦ ᐅᑐᖅᑲᖅᐸᓪᓕᐊᓂᕐᒧᑦ ᐊᖏᕐᕋᒥᓐᓂ, ᐃᑉᐱᒋᔭᖃᑦᑎᐊᕐᓂᕐᓗ, ᑕᐃᒪᐅᓗᑎᒃ ᓇᓪᓕᒋᔭᖏᓐᓂᑦ. ᑯᐱᒃ ᒫᓐᓇᐅᔪᖅ ᐊᑭᓕᓲᑦ ᑕᓪᓕᒪᐃᖅᑐᒍᑦ ᐊᑭᓗᓐᓂᖅᓴᐃᑦ ᐊᖏᕐᕋᒥ ᐋᓐᓂᐊᖅᑕᐃᓕᒪᓂᕐᒧᑦ ᒥᐊᓂᕆᔭᐅᓂᕐᒧᑦ ᐱᔨᑦᑎᕋᐅᑎᓂᑦ ᓄᓇᓕᒡᔪᐊᓂᙶᖅᑐᑦ ᐊᔾᔨᒌᙱᑕᑎᒍᑦ ᐆᑦᑑᑎᒋᓗᒍ ᓂᑐᓚᓐᔅ ᐊᒻᒪ ᑎᒻᒫᒃ. ᑯᐱᒃ ᐊᖏᖃᑎᒌᓐᓂᖅ ᒪᕐᕈᐃᓕᒐᔭᖅᑕᖏᑦ ᐃᓐᓇᕐᓄᑦ ᐱᔨᑦᑎᕋᖅᑕᐅᔪᑦ ᐊᖏᕐᕋᖏᓐᓂᑦ ᒥᐊᓂᕆᔭᐅᓂᕐᒧᑦ, ᐃᓐᓇᕈᖅᐸᓪᓕᐊᓂᖅ ᐊᖏᕐᕋᒥ ᐊᑐᐊᒐᙳᖅᑎᓪᓗᒍ ᐊᔾᔨᖃᙱᑦᑐᒃᑯᑦ.

ᐅᑭᐅᑦ ᑭᖑᓂᐊᓂ, ᑯᐱᒃ ᐊᐅᓚᑦᑎᔨᑦ ᑕᒪᒃᑭᑦ ᑐᒃᓯᕋᖅᓯᒪᔪᑦ ᐃᓕᓐᓂᐊᕐᓂᕐᒧᑦ ᓯᕗᓪᓕᐅᑎᒋᐊᕐᓗᒍ, ᑭᓯᐊᓂ ᓇᓕᐊᑐᐃᓐᓇᖅ ᑎᑭᓯᒪᙱᑦᑐᑦ ᓯᓚᕐᔪᐊᒥ ᐃᑳᕈᓐᓇᕐᓂᕐᒧᑦ ᐃᓕᓐᓂᐊᕐᓂᖅ ᐊᑲᐅᔪᒥᑦ ᐱᓪᓚᕆᐅᔪᒃᑯᑦ.

ᑯᐱᒃ ᐊᖏᖃᑎᒌᓐᓂᖅ ᒫᓐᓇᓵᖅ ᐱᔨᑦᑎᕋᕐᓂᐊᖅᑐᑦ ᐊᑭᓪᓕᕆᐊᕐᓗᒋᑦ ᑭᒃᑯᑐᐃᓐᓇᓄᑦ ᓯᓚᑦᑐᖅᓴᕐᕕᓐᓄᑦ ᐊᑭᖏᓐᓂᑦ, ᐃᓚᒋᓗᒋᑦ ᐃᓕᓐᓂᐊᓕᓵᖅᑐᓄᑦ ᐊᖏᓂᖅᓴᓄᑦ ᐃᓕᓐᓂᐊᕐᕕᓐᓄᑦ, ᐃᓚᒋᓗᒍ ᐃᓐᓇᐃᑦ ᐃᓕᓐᓂᐊᕐᓂᕐᒧᑦ ᐊᒻᒪ ᐃᖅᑲᓇᐃᔮᒃᓴᒧᑦ ᐱᓕᒻᒪᖅᑎᑕᐅᓂᖅ. ᓴᖅᑭᑎᑦᑎᓂᐊᖅᑐᒍᑦ ᑲᓇᑕᒥ ᐃᓕᓐᓂᐊᖅᑎᑦ ᐃᓕᓐᓂᐊᕌᓂᒃᑎᓪᓗᒋᑦ ᐃᖅᑲᓇᐃᔮᒃᓴᓂᑦ ᐃᓕᓐᓂᐊᖁᓪᓗᒋᑦ ᐊᑐᐊᒐᓂᑦ ᒪᓕᒐᒃᓴᐅᕙᓪᓕᐊᓗᒋᑦ ᖃᓄᐃᓐᓂᕆᔭᐅᔪᑦ ᐃᖅᑲᓇᐃᔮᖅᑐᑦ ᐃᓕᓐᓂᐊᖅᑎᓄᑦ ᐊᒻᒪ ᐱᐊᓂᓪᓗᒋᑦ ᐊᑭᓕᖅᑕᐅᓯᒪᙱᑦᑐᑦ ᐃᓕᓐᓂᐊᖅᑎᑦ; ᐱᒋᐊᕐᓂᐊᖅᑐᒍᑦ ᐊᑭᓪᓕᕆᐊᕐᓗᒋᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑐᑦ ᐊᑭᖏᑦ, ᐃᓚᒋᓗᒍ ᐊᑭᓕᖃᙱᖅᑐᓂᑦ ᐃᓕᓐᓂᐊᕈᑎᒃᓴᓄᑦ ᑐᕌᒋᓗᒋᑦ ᑭᖑᓪᓕᒃᑯᑦ.

ᓇᓗᓇᐃᔭᑦᑎᐊᕐᓗᒍ ᐊᑲᐅᔪᒃᑯᑦ−ᑲᔪᓯᑎᑕᐅᔪᑦ ᐃᓕᓐᓂᐊᕐᕖᑦ ᐱᔨᑦᑎᕋᖅᑐᖅ ᐊᑲᐅᓈᖅᑐᓂᒃ ᐱᔨᑦᑎᕋᐅᑎᓂᑦ, ᑯᐱᑦ ᐊᖏᖃᑎᒌᓐᓂᖅ ᖃᐅᔨᒪᔨᒻᒪᕆᓂᒃᒧᑦ ᐱᔨᑦᑎᕋᐅᑎᑦ ᐊᒻᒪ ᐱᓕᕆᐊᕆᓗᒋᑦ ᐊᖏᔪᒃᑯᑦ−ᐊᑐᖅᑕᐅᔪᑦ ᓄᑖᙳᖅᑎᑦᑎᓂᖅ ᐃᓕᓐᓂᐊᕐᓂᕐᕕᓐᓄᑦ, ᐊᖏᓕᖅᐸᓪᓕᐊᓗᒍ, ᐊᑐᖅᑕᐅᒃᑲᓐᓂᕈᓐᓇᕐᓗᑎᒃ ᐊᒻᒪ ᓴᓇᓂᕐᒧᑦ ᐱᓕᕆᐊᒃᓴᐃᑦ ᐱᔨᑦᑎᕋᕐᓂᐊᕐᓗᒋᑦ ᐃᓕᓐᓂᐊᖅᑎᕗᑦ ᐊᒻᒪ ᐃᖅᑲᓇᐃᔭᖅᑎᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᕕᖃᕐᓗᑎᒃ.

ᐱᕚᓪᓕᕆᐊᕐᓗᒋᑦ ᐃᓕᓐᓂᐊᕐᓂᖅ ᑭᖑᕚᑦᑎᓐᓄᑦ ᑭᖑᕚᑦᑎᓐᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᐃᑦ, ᑯᐱᒃ ᐊᖏᖃᑎᒌᓐᓂᖅ ᓄᑖᙳᖅᑎᑦᑎᓂᐊᖅᑐᑦ ᐃᓕᓐᓂᐊᕈᑎᒋᔭᐅᔪᑦ ᐊᑐᖅᑕᐅᔪᑦ ᑕᐃᒪᐅᔪᓄᑦ ᓄᓇᖃᖅᑳᖅᓯᒪᔪᑦ ᐱᓪᓚᕆᖏᓐᓄᑦ, ᐱᓗᐊᖅᑐᒍ ᐱᔾᔪᑎᒋᔭᖅ ᐅᓪᓗᒥᐅᔪᑦ ᖃᖓᓂᑕᐃᑦ, ᐃᓅᖃᑎᒌᒃᐸᓪᓕᐊᔪᑦ ᐊᒻᒪ ᐃᓚᒋᔭᐅᔪᑦ ᐱᔾᔪᑎᒋᔭᐅᓯᒪᔪᑦ.

ᑯᐱᒃ ᐊᖏᖃᑎᒌᓐᓂᖅ ᐃᑲᔪᕈᒪᔪᑦ ᐱᐊᓂᑦᑎᐊᕐᓂᐊᕐᓗᒋᑦ ᐊᒃᓱᕈᕐᓇᖅᑐᑦ ᓴᖅᑭᕙᓪᓕᐊᔪᓄᑦ ᐃᓅᓂᕐᒧᑦ ᐊᑭᒋᔭᐅᔪᓄᑦ. ᑕᐃᒫᒃ ᓴᖅᑭᑎᑦᑎᓯᒪᔪᒍᑦ ᐃᑲᔪᖅᑎᒌᓐᓂᒃᑯᑦ ᓂᕈᐊᖅᑕᐅᔪᓂᑦ ᓴᙱᔪᓂᑦ ᖃᐅᔨᒪᔪᑦ ᑮᓇᐅᔭᓕᕆᓂᕐᒧᑦ, ᐃᓚᒋᓗᒍ ᕼᐊᕋᓐ ᐸᓯ, ᐃᑲᔪᖅᑎᑦ ᐃᒃᓯᕙᐅᑕᖅ ᑐᒡᓕᐊ ᑮᓇᐅᔭᓕᕆᓂᕐᒧᑦ ᓯᓚᑦᑐᖅᓴᕐᕕᒃ SME-ᖁᓐᓄᑦ, ᒫᑎᐅᓯ ᑐᕗ ᐊᒻᒪ ᓴᐃᒪᓐ ᑐᕆᒻᓖ ᐱᓂᓐ, ᑮᓇᐅᔭᓕᕆᔨᒻᒪᕇᑦ ᐊᒻᒪ ᖃᐅᔨᒪᔨᒻᒪᐲᑦ, ᐊᓕᔮᓐᑐᕋ ᒥᓐᑎᔾ, ᖃᐅᔨᒪᔨᒻᒪᕆᒃ ᐊᕙᑎᓕᕆᓂᕐᒧᑦ ᑮᓇᐅᔭᓕᕆᓂᖅ, ᐊᒻᒪ ᑯᕆᔅᑏ ᒋᐅᐳᑦ, CPA, MBA, ᐃᓕᓐᓂᐊᖅᑎᒻᒪᕆᒃ ᓯᓚᑦᑐᖅᓴᕐᕕᒃ ᓚᕕᐅᓪ ᐊᒻᒪ ᑯᐱᒃ ᐊᑭᓕᒃᓴᖃᖅᑐᓄᑦ ᖃᐅᔨᒪᔨᒻᒪᕆᒃ.

ᐃᖅᑲᓇᐃᔭᖅᑎᕗᑦ ᐊᑲᐅᙱᓕᐅᕈᑎᒋᔭᐅᔪᑦ ᑐᑭᓯᐊᓇᑦᑎᐊᖅᑐᑦ: ᐱᖃᕆᖃᖅᑐᒍᑦ ᐱᔪᒪᔭᐅᓪᓚᕆᒃᑐᓄᑦ ᐸᕐᓇᐅᑎᓂᒃ ᐱᔨᑦᑎᕋᖅᑐᑦ ᑮᓇᐅᔭᓕᕆᓂᕐᒧᑦ ᓴᐃᒻᒪᒃᓴᐅᑎᓂᒃ ᐃᓚᒌᒃᑐᓄᑦ, ᒪᒃᑯᒃᑐᓄᑦ ᐊᒻᒪ ᐃᓐᓇᕐᓄᑦ. ᐃᓚᒋᓗᒋᑦ ᑯᐱᒃ ᐊᖏᖃᑎᒌᓐᓂᖅ ᐆᒻᒪᖅᑯᑎᓄᑦ, ᓴᕕᒐᐅᔭᓄᑦ ᐊᑭᖏᑦ ᑭᒡᓕᖃᖅᑎᑕᐅᓂᐊᖅᑐᑦ. ᐲᖅᑎᑦᑎᖃᑕᐅᓂᐊᖅᑐᒍᑦ ᐃᑲᔫᑎᒋᔭᐅᔪᒃᓴᓂᑦ ᐊᑭᓄᑦ ᐆᑦᑑᑎᒋᓗᒍ ᐃᓕᓐᓂᐊᕐᕕᒻᒧᑦ ᐊᑐᖅᑕᐅᔪᑦ, ᐃᓱᒪᒃᓴᖅᓯᐅᕐᓂᖅ ᑭᒃᑯᑐᐃᓐᓇᓄᑦ ᑭᒍᓯᔨᓕᕆᓂᕐᒧᑦ ᓇᓪᓕᐅᒃᑯᒫᓂᑦ ᐊᒻᒪ ᐊᑭᓪᓕᕆᐊᕐᓗᒋᑦ ᑭᒃᑯᑐᐃᓐᓇᓄᑦ ᐃᖏᕐᕋᕈᑎᒋᔭᐅᕙᒃᑐᓄᑦ ᓇᑉᐹᓄᑦ.

ᐊᒻᒪ ᑕᐃᒫᒃ ᐊᑯᓂᐅᓗᐊᙱᑦᑐᒃᑯᑦ ᓄᖅᑲᐃᑎᑦᑎᓂᐊᖅᑐᒍᑦ ᑖᒃᓰᔭᕐᓂᕐᒧᑦ ᐊᑐᐃᓐᓇᐅᔭᕆᐊᖃᖅᑐᓄᑦ ᓂᐅᕕᖅᑐᑦ ᓂᐅᕕᐊᒃᓴᕆᔭᐅᔪᓄᑦ ᐆᑦᑑᑎᒋᓗᒍ ᓂᖀᑦ, ᐃᒻᒥᒧᑦ ᓴᓗᒪᖅᓴᐅᑎᑦ, ᐄᔭᖃᕐᕕᒻᒧᑦ−ᐊᐃᒃᓯᕐᓂᖅ ᐄᔭᒐᒃᓴᐃᑦ, ᐊᒻᒪ ᐊᓐᓄᕌᓄᑦ ᐊᑐᖅᑕᐅᑎᓪᓗᒋᑦ ᐊᑭᖏᑦ ᐃᓅᒐᓱᐊᕐᓂᕐᒧᑦ ᐊᒃᓱᕈᓐᓇᖅᑎᓪᓗᒍ.

ᑭᖑᓪᓕᖅ, ᐊᑭᓗᓐᓂᖅᐹᖅ ᐊᑭᓕᖅᑕᐅᓂᖅ ᐃᖅᑲᓇᐃᔭᕐᓗᓂ ᑐᐊᕕᕐᓇᖅᑐᒃᑯᑦ ᐱᔭᐅᔭᕆᐊᖃᖅᑐᑦ ᐊᑭᓪᓕᕆᐊᕐᓗᒋᑦ $18.00/ᐃᑲᕐᕋᖅ ᐱᔾᔪᑎᒋᓪᓗᒋᑦ ᑮᓇᐅᔭᓕᐅᓗᐊᙱᑦᑐᑦ ᒪᒃᑯᒃᑐᑦ ᐊᒻᒪ ᐃᓚᒌᑦ ᐊᓂᖅᓵᕈᓐᓇᖁᓪᓗᒋᑦ. ᐱᒋᖃᖃᑕᐅᔪᒍᑦ ᓴᙱᓕᖅᑎᓪᓗᒍ ᑯᐱᒃ ᐃᖅᑲᓇᐃᔭᕈᓐᓃᖅᑐᓄᑦ ᐸᕐᓇᐅᑎᓂᒃ ᐃᑲᔪᕐᓗᒋᑦ ᐃᓐᓇᐃᑦ, ᐃᑉᐱᓐᓂᐊᕐᓂᖃᖅᑐᑦ ᐊᑭᑦᑐᖅᐸᓪᓕᐊᔪᓂᑦ ᐃᓅᒐᓱᐊᕐᓂᕐᒧᑦ.

ᑯᐱᒃ ᐱᖃᕆᐊᖃᖅᑐᖅ ᐅᖓᑖᓄᑦ ᒐᕙᒪᓂᑦ. ᐱᖃᕆᐊᖃᖅᑐᑦ ᒐᕙᒪᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐋᖅᑭᒃᓯᒪᔪᓂᑦ. ᑕᒫᓂ ᑯᐱᒃ ᐊᖏᖃᑎᒌᓐᓂᖅ, ᐊᒃᓱᕈᖅᑐᒍᑦ ᐃᓱᒪᒃᓴᖅᓯᐅᕐᓂᕐᒧᑦ ᐱᔾᔪᑎᖃᙱᑦᑐᖅ “ᓯᓚᑖᓃᓐᓂᖅ” ᐅᕝᕙᓘᓐᓃᑦ ᐃᓕᕋᓱᒃᑐᑦ ᑕᐃᒪᐅᔪᓐᓃᕐᓂᕐᒥᑦ, ᑭᓯᐊᓂ ᐱᔪᒪᔭᖃᖅᑐᒍᑦ ᓄᑖᒥᑦ ᐃᓅᖃᑎᒌᓐᓂᕐᒥᑦ. ᐱᔪᒪᔪᒍᑦ ᓴᓇᓗᑕ ᓄᓇᓕᐸᐅᔭᒥᒃ ᑭᒃᑯᓕᒫᓄᑦ. ᓴᙱᔪᒥᑦ, ᐅᐱᒍᓱᒃᑐᒥᑦ ᓄᓇᖃᕐᓂᖅ ᐊᑕᐅᓯᖅ ᒪᑐᐃᖅᓯᔪᓐᓇᖅᑐᑦ ᐊᓯᖏᓐᓄᑦ.

ᓇᒻᒥᓂᖃᕐᓗᑕ ᓄᓇᓕᐸᐅᔭᒥᑦ ᐱᐅᓂᖅᐹᖅ ᐊᓯᙳᖅᐸᓪᓕᐊᓗᒍ ᐃᓅᖃᑎᒌᓐᓂᕐᒧᑦ. ᐊᓯᙳᕐᓗᒍ ᓯᓚᕐᔪᐊᖅ, ᐱᔪᓐᓇᐅᑎᖃᖅᑐᒍᑦ ᑕᒫᓂ, ᑯᐱᒃᒥ. ᓴᐳᒻᒥᔪᒪᔭᕗᑦ ᐊᕙᑎᕗᑦ ᐊᒻᒪ ᐃᓚᒋᓗᒋᑦ ᐊᒥᓲᑎᒋᔭᐅᔪᑦ ᑐᖑᔪᖅᑑᓂᕐᒧᑦ ᓄᓇᓕᐸᐅᔭᐃᑦ ᓯᓚᕐᔪᐊᒥ, ᑭᓯᐊᓂ ᑯᐱᒃ ᐱᔾᔪᑎᖃᖅᑐᑦ ᑲᓇᑕᒧᑦ ᐅᖅᓱᐊᓗᒻᒧᑦ−ᐃᑲᔪᖅᑎᒌᓐᓂᕐᒧᑦ ᑮᓇᐅᔭᓕᐅᕐᓂᕐᒧᑦ. ᐱᓂᐊᕐᓗᒋᑦ ᐱᕚᓪᓕᕐᓂᖅ ᖃᓄᐃᓐᓂᕆᔭᐅᔪᓄᑦ ᐃᓅᓯᒧᑦ, ᐱᒋᐊᖃᖅᑐᒍᑦ ᐊᐅᓚᑦᑎᒋᐊᖃᖅᑕᕗᑦ ᓇᒻᒥᓂᕗᑦ ᑮᓇᐅᔭᓕᕆᓂᕐᒧᑦ. ᑎᑎᖅᑐᒐᖅᑎᐅᔪᒪᔪᒍᑦ ᐅᑉᐱᕆᔭᐅᔪᓄᑦ ᐊᒻᒪ ᓴᖅᑭᑎᑦᑎᓗᑕ ᓄᓇᓕᐸᐅᔭᒥᑦ−ᓄᓇᓕᐸᐅᔭᒧᑦ ᐃᑲᔪᖅᑎᒌᓐᓂᖅ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ, ᑭᓯᐊᓂ ᑲᓇᑕᐅᑉ ᐊᑲᐅᙱᓕᐅᕈᑎᖏᑦ ᐊᑐᐊᒐᐃᑦ ᑭᒡᓕᖃᖅᑎᑦᑎᔪᑦ ᐱᔪᓐᓇᐅᑎᓄᑦ.

ᐱᓪᓚᕆᐅᓂᖅ ᐃᓱᒪᒃᓱᕐᓂᕐᒧᑦ ᓴᙱᓂᖃᕐᓗᑕ ᐊᐅᓚᑦᑎᓂᕐᒧᑦ ᓴᓇᓂᐊᕐᓗᒋᑦ ᓇᒻᒥᓂᕗᑦ ᑲᑎᖅᓱᐃᓂᕐᒧᑦ ᐃᓱᒪᒃᓴᖅᓯᐅᕈᑎᓄᑦ. ᐊᑕᐅᓯᑐᐊᖅ ᐱᐊᓂᑦᑎᐊᕐᓗᒍ ᑕᒪᓐᓇ ᓴᖅᑭᑎᑦᑎᓂᐊᕐᓗᒍ ᑯᐱᒃ ᓄᓇᓕᐸᐅᔭᖓᓄᑦ.