Anicinape
ACA NIO PPIPON INIKIK WITCI MIKIMOMITIWAK Manon Massé ACITC Gabriel Nadeau-Dubois, E ACOWI WITAMATIWATC ECI KIKENTAMOWATC.
MAWATCI KA NIKANENTAMAK :
KITCI MIKITCIKATEK KEKI TOTCIKATEK KA TACI MAMITAWISEK E TACI ATCISEK ECIKICIKAK.
KA PECIKOTEWISIWATC KITCI MIKIMAKANIOWATC EKA KITCI NIKOTIWATC OSAM ECKAM KA IKWAKITAKWAK E PIMATISINANIWAK.
KITCI MIKITCIKATEK KA MAMITAWISEK TACIKEWIKIWAMAN KAKINA AWIAKOK KITCI KI MIKAMOWATC KE TIPENTAMOWATC OMIKIWAMIWA.
KITCI KOKI OCITCIKATEK MINO PIMATISIWI MIKIMOWIN ACITC NAWATC KITCI WETAK KEKI ICI PAMIIKONANIWAK.
KITCI MINOPITCIKATEK AKI KA ICI TACIKANIWAK KAKINA AWIAK KITCI SAKINTCINTIWATC MAMAWI ANICINAPEK.
NOKOM SA KITCI APITENTAKWAN KEPI ICINAKWAK QUEBEC AKI. KITCI KI CAPOCKIKATEK KAWI NTAWENTCIKATEK OO NITCITANA KITCI AKITASON (2000) KA PIPONAKAK, INOWATANIK IKIWE MAIA KAWI MIKITAMOWATC ONOWE : SOKITEEWIN ACITC NIKANI MITONENTAMOWIN. QUEBEC SOLIDAIRE ICINIKASOWATC KA OKWAPIWATC MAIA EWI MIKITAMOWATC MAWASAK NIKAN KE ICINAKWAK(CAQ)OOWE QUEBEC AKI. NAMEKOS KISIS,3, MI MAIA APITC ECISEK KE ATCITOWAKOPAN.
ATIKOTC AWENENIWIAK, ATIKOTC WETCIAK, KAKINA PECIKWAN KI NATAWENTANANAN. NAWATC NOKOM KITCI MINO TACIKEIAK ACITC NIKAN KITCI KANAWAPATCIKATEK KE ICISEIAK. IKIWE KAPI OCIKAPAWIAWATCIN KA INAKANESIAK ACITC IKIWE NIKAN KE MIKIMOWATC, KIWI WITAMONOM KITCI MIKITAMAK KA MICAKIN INANOKIWINAN QUEBEC AKI OTCI. MI WETCI MIKATAMAN. MI WETCI TEWATC IKI QUEBEC SOLIDAIRE KA OKWAPIWATC.
KAWIN MAMAKATC TAPICKOTC WECKATC KAPI ICI PIMATISIWAPAN KATA NIKANISIPANIK ACITC KAWIN KITCI WECKATC KAPI KIKINOAMASOWATC KATA NIKANISIPANIK. IKIWE EKA KA SAPENTAMOWATC KIKINOAMASOWINI. IKIWE MIMA KA KITCI ANIMISIWATC KA AKOSIWATC OMITONENTCIKANIKAK KA INENIMAWATCIN. IKIWE KA MOTCI ACOTINIKETAWATC E WAPAMAWATCIN KA WANATCITOWATC AKINI. ACA KITA MIKITANANAN OCKI AWIAKOK KE NIKANIWATC KITCI ONAPAMAIAKONIK.
NIKOTWATCIN ANICINAPEK TACIWAK EWI KOTCITOWATC KITCI NIKANIWATC OKIMAWI MIKIMOWIN. QUEBEC SOLIDAIRE OWI WIKWATCIAWAN KEWINAWA ANICINAPEN ACITC AIACKIMEN KITCI PITIKENTCIN KA ICI OKWAPIWATC KA KICIKAPATAMOWATC QUEBEC AKINI.
KAWIN WIKAT OTCI WAPATCIKATESINON, KEWINAWA ANICINAPEN KITCI ACITCI OKWINOWATC KITCI NIKANIWATC OKIMA ANOTAKANIKAK.
Maïtée Labrecque-Saganash
Ungava
Benjamin Gingras
Abitibi-Est
Michaël Ottereyes
Roberval
Gérard Briand
Saint-Laurent
Jacques Thériault-Watso
Nicolet-Bécancour
Uapukun Mestokosho
Duplessis
QUEBEC SOLIDAIRE MEKA OWI OCITON QUBEC AKIKAK KITCI MAWASAKO SAKINTCINTIWATC ANICINAPEK OTAKIWAKAK KA TACIKEWATC.
QUEBEC SOLIDAIRE OWI ONATON MAWASAK KITCI WITCI MIKIMOMITIWATC ANICINAPEK ACITC KA NIKANIWATC KITCI OKIMA ANOTAKANAK. KITCI MIKITCIKATEK KE ANI OCIOMAKAK, KITCI KANAWENTCIKATEK KAWI ICI MIKITCIKATEKIN KEKONAN AKI KA OTINIKATEKIN.
QUEBEC SOLIDAIRE OWI ONATON MAWASAK KITCI WITCI MIKIMOMITIWATC ANICINAPEK ACITC KA NIKANIWATC KITCI OKIMA ANOTAKANAK. KITCI MIKITCIKATEK KE ANI OCIOMAKAK, KITCI KANAWENTCIKATEK KAWI ICI MIKITCIKATEKIN KEKONAN AKI KA OTINIKATEKIN.
NINAWIT ENENTAMAK, APITC ANICINAPEWAKIN WI MIKIMITISOWATC, ICINAKWAN KITCI ICPENTAMOWATC ANICINAPEK ACITC AIACKIMEK OTICIKICWEWINIWA. ACITC PANIMA PECIKWAN KITCI TOTAWAKANIOWATC ACITC EKA PAKAN KITCI INENIMAKANIOWATC APITC OTCI MIKIMIKOWATCIN INIWE KA MAMITAWISENTCIN KA MIKIMAWATCIN ACITC APITC ICAWATC MINO PIMATIWISINIKAK, IKWEWAK ACITC APINOTCICAK IKIWE MAWATCI.
APITC MAIA MATCITAWATC IKIWE KA OKWAPIWATC QUEBEC SOLIDAIRE, OKA KETCINAMENTANAWA KITCI MIKITCIKATEK MAIA KA INENTAKOSIWATC KITCI KOKI TOTAWAKANIOWATC IKIWE ANICINAPE APINOTCICAK KAPI WANIAKANIOWATC ACITC KA NIKWAAKASOWATC WECKATC ANICINAPE KIKINOAMATI MIKIWAMIKAK.
ANICINAPEWAKIN APITC PAKITINIWEWATC ACITC NAKOMOWATC, NIKA MIKITANANAN WECKATC ANICINAPE KIKINOAMATI MIKIWAMAN KAPI TAKWAKIN KITCI NANATAWAPATASONANIWAK TANAKIWINAN KICPIN NEWAT EKI OTCI NIKWAAKASOWAKOPANEN APINOTCICAK, ACITC KATA ASAKANIOWAK KA INAPATISIWATC TIPAKONIKEWINIK KITCI NTA KIKENTAMOWATCIN KAPI ICISEK. NIKA WITCIANANAK PEPECIKOTENAN KICPIN NTAWENTAMOWATC MAWASAK KITCI NAKICKOTATIWATC KITCI MIKWENIMAWATCIN KA WANIAWATCIN OTCINAWEMAKANIWAN.
KITCI MIKWENIMAKANIOWATC KA WANIAKANIOWATC APINOTCICAK, IKIWE WECKATC KIKINOAMAKANAK ACITC OPECIKOTENAMIWAN ACITC ANICINAPEWAKIN, ACITC KITCI KI MINO NASIKOTATINANIWAK, QUEBEC SOLIDAIRE OKA MIKITAN KITCI TAKWANIK PECIKO KACIK KITCI MIKWENIMAKANIOWATC IKIWE KAKINA. TASIN KAKONE KISIS, 30 TASOKONAKISITC, « TEPWEWIN ACITC KOKI NASIKOTATIWIN KICIKAN » KATA ICINIKATE II E KICIKAK. KAWIN TAC ATA MIKIMONANIWASININ II APITC.
ACA PANIMA KI MIKITCIKATEK KITCI KIKENTCIKATEK TEPWE E TAKWAK PAKAN INENIMIKOWIN, E PAKANENIMAKANIOWATC ANICINAPEK ACITC AIACKIMEK. NITAM TAC KE TOTCIKATEK, KATA MIKITCIKATE KITCI OTAPINIKATEK « PRINCIPE DE JOYCE » KA ICINIKATEK, EKI MANENIMAKANIWITC PINICI KITCI NIPOTC PECIK ANICINAPEKWE JOYCE.
QUEBEC SOLIDAIRE KA OKWAPIWATC, WINAWA ETA ONIKANENTANAWA KITCI MANATCITCIKATEKIN KEKONAN AKIKAK KA OTINIKATEKIN. KAWI ICITAIAK TAC, QUEBEC AKI KITCI WITCIWAWATCIN IKIWE PAKAN KOTAK AKIN KA MANATCITOWATC KEKONAN AKI KA OTINIKATEKIN.
NOKOM ACA 2022 KITCI AKITASON. MAWATCI KE KAKWETCITCIKATEKIPAN, MI OO MAIA: SOKITEEWIN ACITC NIKANI MITONENTAMOWIN. ACITC KITCI TAKWAKIPAN KA MIPITEKIN KAKINA OTAPANAN KITCI MAWASAKOPISONANIWAKIPAN, OTENACICAN ACITC PEPAKAN KA PAPA ICANIWAK NAWATC KITCI MANATCITCIKATEK NOPIMIK AKI. NAWATC TAC KATA MINWACINOPAN AKI KA ICI PIMATISINANIWAK.
NOKOM ECISEK, KAWIN QUEBEC OKA KACKITOSIN KITCI MIKATAK KAWI MAMITAWISEK E ANI ATCISEK ECIKICIKAK. KAWIN OTOTCI PWANAWITOSINAWA NIKAN QUEBEC KE ICINAKWAK(CAQ)KA OKWAPIWATC, ANIC NIKI NAKAPINIKOMIN PANIMA EKI NOSONEAMAKIN KA MICAKIN MIKIMO APATCITWINAN KAKIKAK KA KITCI WANATCITASOMAKAKIN.
QUEBEC SOLIDAIRE KA OKWAPIWATC OWI MIKITANAWA MASINAIKAN INIKIK KE INAKITAKWAK, NIKAN KITCI KANAWAPATCIKATEK ACITC MAIA KITCI TEPWEMAKAK, QUEBEC AKIKAK ECKAM ECKAM EKA KITCI TAKWAK ANOTC KEKON KA ICI MATCI TOTAKEMAKAK KA NESENANIWAK PINICI 2025 KITCI AKITASON.
EKI OTAPIMAK WA TOTAMAK, KATA MINOSE AIANOTC QUEBEC AKI KITCI PAPA ICANIWAK MISAWATC EKA OTOTAPANIEK.
NIKA NAKATCITONANAN EKA KITCI NIKOTIKIN, NOPIMIK KA PAPA ICANIWAK, SIPIN ACITC SAKAIKANAN, ACITC MITIKOK EKA MACI WIKAT PECIK KITCI OKIMA ANOTAKAN EKI MIKITAKIN OOMA QUEBEC.
QUEBEC SOLIDAIRE ICI ACOTINEAKOPIOTISOWEK, KIKA WITOKAKEM KITCI MANATCITCIKATEK AKI KA ICI MATISINANIWAK
ACA MAMAC TACI IKITOWAK KITCI OKIMAK KA NIKANIWATC KITCI NIKAN ATOWATC KIKINOMASOWINI, ANIC KAWIN MACI OKACKITOSINAWA KITCI NIKANI MIKITAMOWATC KAKINA AWIAK KITCI KIKINOAMASOTC.
QUEBEC SOLIDAIRE OKA MIKITAN TECIWAK KITCI MANINIKATEK ENAKITAKWAK KIKINOAMASOWIN AKO KA KICIKIKATEK, IKIWE KA AIAKACECIWATC, ACITC APINOTCICAK KIKINOAMAKANAK PINICI KA ICPIKAWATC ACITC MIKIMOWINI KA ICI KIKINOAMASOWATC.
NIKA ONATONANAN MISIWE KANATA AKI KITCI WITCIAKANIOWATC KA MIKIMO KIKINOAMASOWATC ACITC KITCI KICIKAWAKANIOWATC.
ACITC NIKA MIKITANANAN KITCI ATCIWAKITAKWAK KA ICPIKAWATC E KIKINOAMASOWATC PINICI MISIWE KIKINOAMASOWIN EKA KEKON KITCI AKITAKWAK.
NAWATC KITCI MINO KIKINOAMASOWATC, QUEBEC SOLIDAIRE OKA MIKITANAWA KITCI TEWATC KE WITCIAWATCIN KIKINOAMAKANAN ACITC OKA MIKITANAWA KITCI WAWECITCIKATEKIN ACITC KITCI MICATCIKATEKIN KIKINOAMATI MIKIWAMAN, AKWATCIK ACITC KITCI MINONAKWAK KITCI OCITCIKATEK KIKINOAMAKANAK ACITC KA ICI MIKIMOWATC ANOTAKANAK KITCI MINWACINIK KE ICI KIKINOAMATINANIWAK.
NAWATC KITCI KIKENTCIKATEK ANICINAPEK KAPI ICI ATISOKASOWATC KITCI KI KIKENTAMOWATC IKIWE NIKAN KE KIKINOAMASOWATC, IKIWE QUEBEC SOLIDAIRE OKA MIKITANAWA KITCI ACITATCIKATEKIN ANICINAPE KAPI ICI PIMATISITC KIKINOAMATI MASINAIKANIKAK. IIWE ACITC ANICINAPE NOKOM ECI PIMOSATAK, KAPI ICI WEPINICAWAKANIWITC OTAKIM ACITC NOKOM ECISETC ANICINAPE PIMATISIWIN.
INENTAKOSINANIWAN KITCI MINO TACIKANIWAK KI MIKIWAMINANAK, KAWIN WIN II WANATISIWIN INENTAKWASINON.
QUEBEC SOLIDAIRE KA OKWAPIWATC, WINAWA ETA KAWI MIKITAMOWATC EWI OCITOWATC MASINAIKANI MAIA KITCI TEPWEMAKAK ACITC NIKAN KITCI KANAWAPATCIKATEK KE ICISENIK EKA KITCI MAMITAWISEKIN TACIKEWIKIWAMAN.
IKIWE KITCI OKIMA SOLIDAIRE KA OKWAPIWATC OWI MIKITANAWA EKA KITCI KOTATAKITAKWAKIN AWIASONIKIWAMAN. KATA MINOPITCIKATE EKA AWACAMEC KITCI IKWAKITAKWAKIN AWIASONIKIWAMAN, MITAC 850$ INIKIK TASO PIPON KATA MANATINIKEWAK AWIAKOK.
ACITC TAC KITCI OKIMA SOLIDAIRE KA OKWAPIWATC OKA MIKITANAWA KITCI MANE TACIKEWIKIWAMAN KITCI OCITCIKATEKIN, EKA KITCI SANAKAKITAKWAKIN.
INI MIKIWAMAN, NAWATC KATA MINOSE MANE PECIKOTENAN KITCI AIAMOWATC KE ICI TACIKEWATC MISIWE QUEBEC AKIK.
QUEBEC SOLIDAIRE OWI MIKITANAWA KITCI OCITCIKATEKIN 50 000 INIKIK, KITCI KI WETANIK KEKI ICI MINO TACIKENTCIN OTENAK ACITC ANICINAPEWAKIN KA TEWATC ANICINAPEN.
ATIKOTC AWIAK KITCI ICI TACIKETC.
MANE PECIKOTENAN KAWIN O KACKITOSINAWA KITCI KICPINATOWATC O MIKIWAMIWA. QUEBEC SOLIDAIRE OKA ONATONAWA KITCI KICPINATCIKATEKIN MIKIWAMAN NAWATC KITCI WETAKIN ACITC KITCI ATAMAKANIOWATC MIKIWAMINI ACITC OKA NAKATCITONAWA EKA KITCI ACOWI ATAWANIWAKIN INI MIKIWAMAN.
NINAWIT QUEBEC SOLIDAIRE KA OKWAPIAK, KIWI WITCIIKOM KITCI KACKI PIMATCIOWEK ACA MEKA KAKINA KEKON ANI IKWAKITAKWAN. MITAC NIKI MAWATCIANANAK MAIA KA INAPATISIWATC MIKIMOWINNIK, Haroun Bouazzi PECIK ICINIKASO, OWITCIAN CONIA MIKIMOWIN OCIPIIKEWIKIWAMAN KA MIKIMAWATCIN, KOTAKIAK OKOWE : Mathieu Dufour ACITC Simon Tremblay Pepin ICINIKASOWAK, ONANATA KIKENTANAWA CONIAN OCIPIIKEWIKIWAMAN ACITC KIKINOAMAKEWAK.
KOTAK PECIK Alejandra Zaga Mendez ICINIKASO OMIKITAN WIN KITCI MANATCITCIKATEK CONIA MIKIMOWIN AKIKAK KA OTINIKATEK ACITC KIKINOAMAKEWINNIWI LAVAL KITCI KIKINOAMATI MIKIWAMIKAK ACITC KOTAK Christine Gilbert ICINIKASO, KEWIN KIKINOAMAKEWINNIWI LAVAL KITCI KIKINOAMATI MIKIWAMIKAK, ACITC AKITASOWINNIWI ACITC KI KIKINOAMASO KITCI NIKANITC OCIPIIKEWIKIWAMINI, ACITC OMIKITAN KA KITCI MASINAIKENTCIN KITCI WITCIATCIN OOMA QUEBEC AKI.
NIWI WITAMAKEMIN OOWE : NI NATAWENTANANAN MAIA KITCI WITCIAKANIOWATC PECIKOTENAN, KA OCKI NIKIWATC ACITC KITCI ANICINAPEK CONIAN KITCI TIPISEWATC. QUEBEC SOLIDAIRE OKA MIKITANAWAN ONOWE : KITCI PONI IKWAKITAKWAK KA KICIKIKATEK INIMIKIAPI MASINAIKAN. ACITC KA OSAMI KITCI SANAKAKIN KIKINOAMATI APATCITAWINAN ACITC KITCI TAKWAK WIPITAN MASINAIKAN INSURANCE ACITC APITA ETA KITCI KICIKIKATEK OTENA KA WAPAKIN OTAPANAN AWIAKOK KA APATCITOWATC KA PAPAMPITEKIN.
MINAWATC NIWI MIKITANANAN EKA KITCI TAKWAK TAX KA KICIKIKATE APITC AKO KA KICPINATCITEKIN MITCIMAN, KITCI KISISIPANTISONANIWAK, MACKIKI KA ATAWANIWAK, ACITC PISIKATCIKANAN PINICI MAIA KITCI PONISEK KA TACI SANAKAK KA KICIKIKATEKIN KITCI MINO PIMATCIONANIWAK.
IKWAIAK TAC, PANIMA KI MIKITCIKATEK ANIWAK KITCI KICIKAWAKANIWITC AWIAK KA MIKIMOTC, MITATCIN ACITC NIANENIWAPIK (18) INIKIK PECIKO TIPAIKAN NAWATC KITCI MINO PIMATCIOWATC KA OCKI NIKIWATC ACITC EKA TEPWE KA OCONIAMIWATC PEPECIKOTENAN. PANIMA ACITC KI IKWAKITAKWANIK INIKIK KITCI ANICINAPEK TASO KISIS KA OTISIKOWATCIN CONIAN, ECKAM KEWINAWA OMAMITAWIIKONAWA INIKIK ENAKITAKWAK E PIMATISINANIWAK.
QUBEC AKI ONATAWENTAN KITCI MECKOTONAKANIWITC KITCI OKIMA KA NIKANITC. NTAWENTAKWAN KITCI PAKANAKWAK OKIMAWI MIKIMOWIN. NINAWIT QUEBEC SOLIDAIRE ECI NTAWENTAMAK, KITCI OCKI TAKWAK OKIMA MIKIMOWIN KAKINA AWIAK KITCI KI ACITAKIMAKANIWITC OOMA QUEBEC AKI, KAWIN WIN KITCI KOSAKANIWITC KA WITCI PIMATISIMATC KONI KITCI ANI EKA NAKOSIAK. NIWI ONATONANAN KAKINA AWIAK QUEBEC AKI KITCI MINO TACIKETC. NAWATC KITCI MACKAWIKAPAWIAK ACITC KITCI MINO WITCIITIAK.
KITCI KI AIAMAK AKI, PANIMA KI PAKANAKWAK E WITCI PIMATISIMITIAK. OOMA QUEBEC AKI KITA ICI MATCITAMIN KICPIN WI ATCITOWAK ECI PIMATISIAK. NIWI MANATCITONANAN AKI ACITC NIWI WITCIWANANAK IKIWE PAKAN AKIN KA MINWACITOWATC AKINI, ANIC ENAKITAKWAK AKIPIMITE KI KITCI MITCIMINIKOMIN OOMA KANATA. NIWI MIKITANANAN KINAWIT KITCI MIPITETCIKATEK AKI PIMITE INIKIK E CONIAKEMAKAK KAKINA AWIAK KITCI KI MIKIMAKANIWITC KITCI MINO PIMATCIOTC, ANIC KAWIN KI KACKITOSINANAN. NIWI MIKITANANAN KINAWIT TIPINAWE KITCI MIKITAMAK KE ANI ICIWEPISIAK, KITCI MINO WITCIAIAKONIK ANICINAPEK. ANIC KITCI OKIMA KAPI INAKONIWETC KITICI SAKAKWEMIN.
KICPIN MAIA WI TIPENIMITISOWAK, KIKA MIKANANAN MAWASAK KITCI ONACWEAK WEKONEN ECI NTAWENTAMAK. KITCI KI MINOSEK TAC II PANIMA KITA OCITONANAN KITCI TAKWAK MAIA QUEBEC AKI KITCI ICINIKATEK.
ACA KEKAT NICITANAWE (20) PIPON KITIKOMIN KITCI ATCIWISEK INIKIK KE TACI PIONANIWAK AKOSIWIKIWAM APITC NTA WAPAMATC MACKIKIWINNI ACITC AWIAK MAIA OMACKIKIWINIMAN KITCI AIAWATCIN. ECINAKWAK : NAWATC KI ACECKAMAKAN MINO PIMATISIWINIKAK KITCI MIKIMIKONANIWAK. KITCI OKIMA KA NIKANITC Legault, KI IKITOPAN KITCI MIKITAN II, MI KIAPATC ETACI MAMITAWISEK MINO PIMATISIWIN OOMA QUEBEC. EKA TAC ETA PEPAKI KITCI TACI MIKITCIKATEK KAWI MAMITAWISEK, NIWI MIKITANANAN MISIWE KITCI WAWECIPITCIKATEK MINO PIMATISIWIN E MIKIMAKANIOWATC KA AKOSIWATC.
NIWI MIKITANANAN PECOTC KITCI PAMIAKANIOWATC KA AKOSIWATC, KITCI ONATCIKATEKIN PAMIIWEWINNI MIKIWAMAN KAPE KITCI CETEKIN 24 TIPAIKAN TASO KACIK. NIKA MIKITANANAN EKA KIAPATC KITCI TAKWAK KA PIONANIWAK OCTIKWANI MACKIKIWINNI KITCI WAPAMAKANIWITC. OCTIKWAN MEKA WIAWIKAK ICI TAKWAN.
NIWI ATONAN ACITC NAWATC KITCI WITAMAKONANIWAK KE TOTCIKATEK EKA KITCI AKOSINANIWAK, OSA MEKA KAWIN TEPWE MIKOTCIKATESINON II MINO PIMATISIWINIKAK. NAWATC MINWACIN KITCI WIMACKAIAN AKOSIWIN APITC WIN PANIMA KITCI MIKIMAKANIWITC AWIAK E KITCI AKOSITC.
KITCI ANICINAPE OMIKIWAMIKAK KITCI ICI MINO PIMATISITC, KITCI WITCI TACIKEMATCIN OPECIKOTENAMAN. MI KAKINA KITCI ANICINAPE ENENTAKOSITC KITCI ICISETC. KEKAT NANANAC INIKIK NAWATC PAKI INAKITAKWAN OOMA APITC WIN AKAMAKIK, Danemark INEKE. QUEBEC SOLIDAIRE ANIWAK OKA ASAWAN ANOTAKANAN OMIKIWAMIWAKAK KITCI MIKIMAKANIOWATC KITCI ANICINAPEN. NAWATC ECKAM OMIKIWAMIWAKAK KITCI PIMATISINTCIN KITCI ANICINAPEN, EKA MAMAKATC KITCI ANICINAPE KA ICI ASAKANIOWATC KITCI TEWATC.
Ruth Messier Agente officielle
QUÉBEC SOLIDAIRE 2022